నమామి సర్వే శరణార్థినో వయం
మహేశ్వర త్ర్యంబక భూతభావన |
ఉమాపతే విశ్వపతే మరుత్పతే
జగత్పతే శంకర పాహి నస్స్వయం || 1 ||
జటాకలాపాగ్ర శశాంకదీధితి
ప్రకాశితాశేషజగత్త్రయామల |
త్రిశూలపాణే పురుషోత్తమాఽచ్యుత
ప్రపాహినో దైత్యభయాదుపస్థితాత్ || 2 ||
త్వమాదిదేవః పురుషోత్తమో హరి-
ర్భవో మహేశస్త్రిపురాంతకో విభుః |
భగాక్షహా దైత్యరిపుః పురాతనో
వృషధ్వజః పాహి సురోత్తమోత్తమ || 3 ||
గిరీశజానాథ గిరిప్రియాప్రియ
ప్రభో సమస్తామరలోకపూజిత |
గణేశ భూతేశ శివాక్షయావ్యయ
ప్రపాహి నో దైత్యవరాంతకాఽచ్యుత || 4 ||
పృథ్వ్యాదితత్త్వేషు భవాన్ ప్రతిష్ఠితో
ధ్వనిస్వరూపో గగనే విశేషతః |
లినో ద్విధా తేజసి స త్రిధాజలే
చతుఃక్షితౌ పంచగుణప్రధానః || 5 ||
అగ్నిస్వరూపోసి తరౌ తథోపలే
సత్త్వస్వరూపోసి తథా తిలేష్వపి |
తైలస్వరూపో భగవాన్ మహేశ్వరః
ప్రపాహి నో దైత్యగణార్దితాన్ హర || 6 ||
నాసీద్యదాకాండమిదం త్రిలోచన
ప్రభాకరేంద్రేందు వినాపి వా కుతః |
తదా భవానేవ విరుద్ధలోచన
ప్రమాదబాధాదివివర్జితః స్థితః || 7 ||
కపాలమాలిన్ శశిఖండశేఖర
శ్మశానవాసిన్ సితభస్మగుంభిత |
ఫణీంద్రసంవీతతనోంతకాంతక
ప్రపాహి నో దక్షధియా సురేశ్వర || 8 ||
భవాన్ పుమాన్ శక్తిరియం గిరేస్సుతా
సర్వాంగరూపా భగవన్-స్తదాత్వయి |
త్రిశూలరూపేణ జగద్భయంకరే
స్థితం త్రినేత్రేషు మఖాగ్నయస్త్రయః || 9 ||
జటాస్వరూపేణ సమస్తసాగరాః
కులాచలాస్సింధువహాశ్చ సర్వశః |
శరీరజం జ్ఞానమిదం త్వవస్థితం
తదేవ పశ్యంతి కుదృష్ట యో జనాః || 10 ||
నారాయణస్త్వం జగతాం సముద్భవ-
స్తథా భవానేవ చతుర్ముఖో మహాన్ |
సత్త్వాదిభేదేన తథాగ్నిభేదితో
యుగాదిభేదేన చ సంస్థితస్త్రిధా || 11 ||
భవంతమేతే సురనాయకాః ప్రభో
భవార్థినోఽన్యస్య వదంతి తోషయన్ |
యతస్తతోనో భవ భూతిభూషణ
ప్రప్రాహి విశ్వేశ్వర రుద్ర తే నమః || 12 ||
ఇతి శ్రీ వరాహపురాణే ఇంద్రాదికృత శివస్తుతిః |
Indra Krita Shiva Stuti pdf download – శ్రీ శివ స్తుతిః (ఇంద్రాది కృతం)
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
